Cedaw in Action

ກອງປະຊຸມເພີ່ມຄວາມຮັບຮູ້ກ່ຽວກັບການຕ້ານການໃຊ້ຄວາມຮຸນແຮງພື້ນຖານທາງເພດ ແລະ ການລິເລີ່ມສົ່ງເສີມເພື່ອປ້ອງກັນການໃຊ້ຄວາມຮຸນແຮງທາງເພດ ໃນ ສປປ ລາວ

ໃນຕອນເຊົ້າ ຂອງວັນທີ 19 ມັງກອນ 2017, ທີ່ ໂຮງແຮມ ເມີກຽວ ກອງເລຂາ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ (ຄກມຊ) ຮ່ວມອົງການແຄສາກົນ ແລະ ສະຖານທູດອັງກິດ ຈັດກອງປະຊຸມເພີ່ມຄວາມຮັບຮູ້ກ່ຽວກັບການຕ້ານການໃຊ້ຄວາມຮຸນແຮງພື້ນຖານທາງເພດ ແລະ ການລິເລີ່ມສົ່ງເສີມເພື່ອປ້ອງກັນການໃຊ້ຄວາມຮຸນແຮງທາງເພດ ໃນ ສປປ ລາວ ຂຶ້ນ ໂດຍການເປັນປະທານຮ່ວມຂອງ ທ່ານ ນາງ ຈັນໂສດາ ພອນທິບ ຫົວໜ້າ ກອງເລຂາ ຄກມຊ, H.E. Hugh EVANS ເອອັກຄະລະສະທູດ ປະຈຳ ສປປ ລາວ, Ms. Alison Rusinow ຜູ້ຊ່ວຍຜູ້ອຳນວຍການອົງການແຄຣ໌ນາໆຊາດ ມີ ຫົວໜ້າກົມ, ຮອງຫົວໜ້າກົມຈາກກະຊວງ, ອົງການ ແລະ ຜູ້ຕາງໜ້າອົງການຈັດຕັ້ງສາກົນ, ຄູ່ຮ່ວມພັດທະນາ ເຂົ້າຮ່ວມ. 

ກິດຈະກໍາຍ່າງມິນິມາລາທອນຂຶ້ນ ເພື່ອລະນຶກວັນສາກົນລຶບລ້າງຄວາມຮຸນແຮງຕໍ່ແມ່ຍິງ 25 ພະຈິກ 2016

ໃນຕອນເຊົ້າ ຂອງວັນທີ 26 ພະຈິກ 2016 ເວລາ 06:00 ໂມງ ທີ່ສວນປະຕູໄຊ ນະຄອນຫຼວງວຽງຈັນ ຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ໄດ້ຈັດກິດຈະກໍາຍ່າງມິນິມາລາທອນຂຶ້ນ ເພື່ອລະນຶກວັນສາກົນລຶບລ້າງຄວາມຮຸນແຮງຕໍ່ແມ່ຍິງ 25 ພະຈິກຂຶ້ນ

ກອງປະຊຸມເພືອທົບທວນ, ປຶກສາຫາລືວຽກງານຕ້ານ ແລະ ສະກັດກັ້ນການໃຊ້ຄວາມຮຸນແຮງ ຕໍ່ແມ່ຍິງ.

ໃນຕອນເຊົ້າ ຂອງວັນທີ 26 ກໍລະກົດ 2016, ກອງເລຂາ ຄະນະກໍາມາທິການ ເພື່ອຄວາມກ້າວໜ້າ ຂອງແມ່ຍິງ ແຫ່ງຊາດ ໄດ້ຈັດກອງປະຊຸມ ທົບທວນ, ປຶກສາຫາລື ກ່ຽວກັບ ວຽກງານຕ້ານ ການໃຊ້ຄວາມຮຸນແຮງ ຕໍ່ແມ່ຍິງ ຂຶ້ນ,  ໂດຍການເປັນປະທານ ຂອງ ທ່ານນາງ ຈັນໂສດາ ພອນທິບ ຫົວໜ້າກອງເລຂາ ຄະນະກໍາມາທິການ ເພື່ຶອຄວາມກ້າວໜ້າ ຂອງແມ່ຍິງ ແຫ່ງຊາດ. ເຂົ້າຮ່ວມກອງປະຊຸມ ມີບັນດາຫົວໜ້າພະແນກ, ຮອງຫົວໜ້າພະແນກ ແລະ ວິຊາການ ຄກມ ກະຊວງ ແລະ ອົງການຕ່າງໆ ລວມຜູ້ເຂົ້າຮ່ວມ 41 ທ່ານ, ຍິງ 37 ທ່ານ, ຊາຍ 4  ທ່ານ.

ຄກມຊ ເຜີຍແຜ່ ບົດລາຍງານການສຶກສາ: ຄາດຄະເນ ຄ່າໃຊ້ຈ່າຍ ຊັບພະຍາກອນ ທີ່ຈຳເປັນ ຂອງຫຼາຍພາກສ່ວນ ສຳລັບໃຫ້ບໍລິການ ຊ່ວຍເຫຼືອແມ່ຍິງ ຜູ້ຖືກເຄາະຮ້າຍ ຈາກຄວາມຮຸນແຮງ ໃນ ສປປ ລາວ.

ໃນຕອນເຊົ້າຂອງວັນທີ 30 ມິຖຸນາ 2016  ຄະນະກຳມາທິການ ເພື່ອຄວາມກ້າວໜ້າ ຂອງມ່ຍິງ ແຫ່ງຊາດ (ຄກມຊ) ໄດ້ຈັດກອງປະຊຸມ ເຜີຍແຜ່ບົດລາຍງານ ການສຶກສາຄາດຄະເນຄ່າໃຊ້ຈ່າຍ ຊັບພະຍາກອນທີ່ຈຳເປັນ ຂອງຫຼາຍພາກສ່ວນ ສຳລັບໃຫ້ບໍລິການຊ່ວຍເຫຼືອ ແມ່ຍິງຜູ້ຖືກເຄາະຮ້າຍ ຈາກຄວາມຮຸນແຮງ ໃນ ສປປ ລາວ ຂຶ້ນຢ່າງເປັນທາງການ ໂດຍການເປັນປະທານ ຂອງທ່ານ ນາງ ບັນດິດ ປະທຸມວັນ ຮັກສາການປະທານ ຄກມຊ, ຮອງປະທານສູນກາງ ສະຫະພັນແມ່ຍິງ ລາວ ແລະ ປະທານຮ່ວມ ຂອງທ່ານ ນາງ Anna Karin Jatfors ຮອງຫົວໜ້າອົງການ UN Women ປະຈຳຂົງເຂດ ອາຊີ-ປາຊີຟິກ. 

  • ການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍແມ່ນໜ້າທີ່ຂອງໝົດທຸກ ຄົນ.

  • ອອກແຮງປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.

  • ຮ່ວມແຮງຮ່ວມໃຈສ້າງຄອບຄົວ, ບ້ານ ແລະ ເມືອງ ພັດທະນາຕິດພັນກັບການປະຕິບັດສິດສະເໝີພາບຍິງ-ຊາຍ ແລະ ປາສະຈາກການໃຊ້ຄວາມຮຸນແຮງໃນຄອບຄົວໂດຍສະເພາະຕໍ່ແມ່ຍິງ ແລະ ເດັກນ້ອຍ.
  • ນ້ຳໃຈວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ວັນທີ 25 ພະຈິກ ໝັ້ນຍືນ!
  • ຕັດສິນໃຈປະຕິບັດສິດສະເໝີພາບຍິງ-ຊາຍ ແລະ ລຶບລ້າງທຸກຮູບການຈຳແນກຕໍ່ແມ່ຍິງ ເພື່ອປ້ອງກັນບໍ່ໃຫ້ເກີດຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.