ເນື່ອງໃນໂອກາດສະເຫຼີມສະຫຼອງ ວັນທີ 25 ພະຈິກ

ຄະນະກຳມາທິການ ເພື່ອຄວາມກ້າວໜ້າຂອງແມ່ຍິງຂໍຖືເປັນກຽດລາຍງານມາຍັງທ່ານຊາບກ່ຽວກັບການດຳເນີນຂະບວນການສະເຫຼີມສະຫຼອງວັນສາກົນຕ້ານ ການໃຊ້ຄວາມຮຸນແຮງຕໍ່ແມ່ຍິງ 25 ພະຈິກ, ຂະບວນ ການດັ່ງກ່າວເລີ່ມແຕ່ວັນທີ 25 ພະຈິກ ເຖິງ 10 ທັນວາ 2011 ເຊິ່ງລາຍລະອຽດມີດັ່ງຕໍ່ໄປນີ້:

 

  • ວັນທີ 25 ພະຈິກ 2011:

altອອກສານຂອງທ່ານນາຍົກລັດຖະມົນຕີເຖິງປວງຊົນລາວທາງສື່ມວນຊົນຕ່າງໆຄື: ວິທະຍຸ, ໂທລະພາບ ແລະ ໜັງສືພິມ.ເປີດສາຍດ່ວນ

 

alt1362 ເພື່ອໃຫ້ບໍລິການຄຳປຶກສາແກ່ຜູ້ຖືກເຄາະຮ້າຍຈາກຄວາມຮຸນແຮງຂອງສູນກາງສະຫະພັນແມ່ຍິງລາວ.

 

  • ວັນທີ 26 ພະຈິກ 2011:

alt  alt  alt     alt   

ຈັດຕັ້ງການຍ່າງມິນິມາຣາທອນ ແລະ ເຕັ້ນເອໂຣບິກ ໂດຍຮ່ວມກັບສະພາແຫ່ງຊາດ, ສູນກາງສະຫະພັນແມ່ຍິງລາວ ແລະ ນະຄອນຫຼວງ ພາຍໃຕ້ການເປັນປະທານຂອງທ່ານປະທານສະພາແຫ່ງຊາດ ເພື່ອເປັນການປຸກລະດົມໃຫ້ທຸກພາກສ່ວນມີສ່ວນຮ່ວມໃນການຫຼຸດຜ່ອນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ພ້ອມທັງໄດ້ມີຄວາມຮັບຮູ້ ແລະ ເອົາໃຈໃສ່ຕໍ່ບັນຫາດັ່ງກ່າວຫຼາຍຂຶ້ນ;  ເຊິ່ງໃນໂອກາດນີ້ແມ່ນໄດ້ມີການປູກຕົ້ນໄມ້ (ດອກຈຳປາແດງ) ເພື່ອເປັນສັນຍາລັກຂອງວັນດັ່ງກ່າວ, ຈຳນວນຄົນເຂົ້າຮ່ວມທັງໝົດປະມານ 400 ຄົນເຊິ່ງມາຈາກ: ຄະນະປະຈຳສະພາແຫ່ງຊາດ, ບັນດາຄະນະກຳມາທິການ ເພື່ອຄວາມກ້າວໜ້າຂອງແມ່ຍິງກະຊວງ, ອົງການອ້ອມຂ້າງສູນກາງ, ນະຄອນຫຼວງ, ທູຕານຸທູດ, ອົງການ ສປຊ, ບັນດາອົງການທີ່ບໍ່ສັງກັດລັດຖະບານ ແລະ ບັນດາມວນຊົນທົ່ວໄປ;

  • ວັນທີ 30 ພະຈິກ 2011

ຈັດຕັ້ງກອງປະຊຸມສຳມະນາວິທະຍາສາດ ພາຍໃຕ້ການເປັນປະທານຂອງທ່ານປະທານຄກມຊ ໃນຫົວຂໍ້ "ການຢຸຕິການໃຊ້ຄວາມຮຸນແຮງຕໍ່ແມ່ຍິງ" ເພື່ອໃຫ້ທຸກພາກສ່ວນໄດ້ແລກປ່ຽນຂໍ້ມູນຂ່າວສານ ແລະ ບົດຮຽນການເຄື່ອນໄຫວກ່ຽວກັບການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ການຄ້າມະນຸດໃນຊຸມປີທີ່ຜ່ານມາສາມາດແລກປ່ຽນຂໍ້ມູນຂ່າວສານ,ບົດຮຽນ ແລະ ປະສົບການໃນການເຄື່ອນໄຫວວຽກງານດັ່ງກ່າວ,ພ້ອມກັນນັ້ນກໍເພື່ອເປັນການປຶກສາຫາລືທິດທາງການເຄື່ອນໄຫວວຽກງານໃນຕໍ່ໜ້າໃຫ້ໄປໃນທິດທາງດຽວກັນ;ໂດຍມີຜູ້ເຂົ້າຮ່ວມທັງໝົດ 149 ຍິງ 93 ຄົນ, ຊາຍ 56 ຄົນ,

  • ວັນທີ 6 ທັນວາ 2011

ຈັດຕັ້ງກອງປະຊຸມສຳມະນາພາຍໃຕ້ການເປັນປະທານຮ່ວມຂອງທ່ານປະທານ ຄກມຊ ແລະ ທ່ານລັດຖະມົນຕີວ່າການກະຊວງຍຸຕິທຳ ໃນຫົວຂໍ້ "ສົນທິສັນຍາ ຊີດໍ ແລະ ການຕ້ານການໃຊ້ຄວາມຮຸນແຮງຕໍ່ແມ່ຍິງ" ເພື່ອເປັນການປູກຈິດສຳນຶກໃຫ້ພະນັກງານຍຸຕິທຳ, ຕຸລາການ ແລະ ເຈົ້າໜ້າທີ່ຕຳຫຼວດ ທະນາຄວາມ, ໜ່ວຍໄກ່ເກ່ຍຂັ້ັ້ນບ້ານ ແນໃສ່ເຮັດໃຫ້ການຈັດຕັ້ງປະຕິບັດກົດໝາຍ ຢູ່ ສປປ ລາວ ໃຫ້ມີຄວາມສັກສິດ ເປັນຕົ້ນແມ່ນພາກທີ່ກ່ຽວກັບການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ເພື່ອຮັບປະກັນຄວາມມີປະສິດທິຜົນຂອງກົນໄກຮ້ອງຟ້ອງຂໍຄວາມເປັນທຳ; ປົກປ້ອງຜູ້ຖືກເຄາະຮ້າຍຈາກການໃຊ້ຄວາມຮຸນແຮງ; ໃຫ້ການຊ່ວຍເຫຼືອຜູ້ຖືກເຄາະຮ້າຍ ກໍຄືວາງມາດຕະການລົງໂທດຕໍ່ຜູ້ກະທຳຜິດທີ່ເນື່ອງມາຈາກການໃຊ້ຄວາມຮຸນແຮງ, ໂດຍມີຜູ້ເຂົ້າຮ່ວມທັງໝົດ 142 ຄົນ, ຍິງ 75 ຄົນ, ຊາຍ 67 ຄົນ,

  • ແຈ້ງການເລກທີ 842/ຫລບ, ລົງວັນທີ 24 ພະຈິກ 2011

ອອກແຈ້ງການ ໃຫ້ບັນດາຄະນະກຳມາທິການເພື່ອຄວາມກ້າວໜ້າຂອງແມ່ຍິງທຸກພາກສ່ວນທຸກຂັ້ນໃຫ້ດຳເນີນການສະເຫຼີມສະຫຼອງວັນສາກົນຕ້ານການໃຊ້ຄວາມຮຸນແຮງຕໍ່ແມ່ຍິງ ນັບແຕ່ວັນທີ 25 ພະຈິກ 2011 ຈົນເຖິງ 10 ທັນວາ 2011 ໂດຍນຳໃຊ້ເອກະສານຕ່າງໆເປັນຕົ້ນແມ່ນ: ສານຂອງທ່ານນາຍົກລັດຖະມົນຕີ ເຖິງ ປວງຊົນລາວ, ສົນທິສັນຍາ ຊີດໍ, ບົດປະກອບຄຳເຫັນມ້ວຍທ້ານຂອງຄະນະກຳມະການຊີດໍ ສາກົນຕໍ່ບົດລາຍງານ ແຫ່ງຊາດສະບັບປະຈຳໄລຍະ ທີ 6 ແລະ 7 ໃນການຈັດຕັ້ງປະຕິບັດ ຊີດໍ ຂອງ ສປປ ລາວ, ແຜນດຳເນີນ ງານຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເອກະສານທີ່ນຳໃຊ້ໃນກອງປະຊຸມນັ້ນອີກຈຳນວນໜຶ່ງ. ເປັນຕົ້ນ ແມ່ນກອງປະຊຸມ ສຳມະນາວິທະຍາສາດກ່ຽວກັບ ການຕ້ານການໃຊ້ຄວາມຮຸນແຮງຕໍ່ແມ່ຍິງ, ຄັ້ງວັນທີ 30 ພະຈິກ 2011, ແລະ ກອງປະຊຸມສຳມະນາຮ່ວມກັບກະຊວງຍຸຕິທຳ ກ່ຽວກັບສົນທິສັນຍາ ຊີດໍ ແລະ ການຕ້ານການ ໃຊ້ຄວາມຮຸນແຮງ, ຄັ້ງວັນທີ 6 ທັນວາ 2011

(ກຳລັງປັບປຸງ)