ກອງປະຊຸມເຜີຍແຜ່ເອກະສານ ຂອງຄະນະກໍາມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ (ຄກມຊ) ໃຫ້ບັນດາກົມກອງອ້ອມຂ້າງ ກະຊວງ ປ້ອງກັນປະເທດ

altໃນວັນທີ 23 ເມສາ 2014 ທີ່ຜ່ານມາ, ທ່ານ ນາງ ຈັນໂສດາ ພອນທິບ, ຫົວໜ້າກອງເລຂາ ຄກມຊ ໄດ້ເຂົ້າຮ່ວມກອງປະຊຸມເຜີຍແຜ່ເອກະສານຂອງ ຄກມຊ ເຊິ່ງຈັດໂດຍ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ກະຊວງ ປ້ອງກັນປະເທດ ແລະ ກອງປະຊຸມດັ່ງກ່າວໄດ້ຮັບກຽດເປັນປະທານກ່າວເປີດໂດຍ ທ່ານ ພົ/ວ ສຸບັນ ຫຸນນະຈໍາປາ, ລັດຖະມົນຕີຊ່ວຍວ່າການ, ປະທານຄະນະກໍາມາທິການເພື່ອຄວາມກ້າວໜ້າຂອງແມ່ຍິງກະຊວງ ພ້ອມກັນນັ້ນຍັງມີນາຍ ແລະ ພົນທະຫານຈາກກົມກອງອ້ອມຂ້າງເຂົ້າຮ່ວມຈໍານວນ 130 ສະຫາຍ, ຍິງ 69 ສະຫາຍ, ຊາຍ 61 ສະຫາຍ.

ກອງປະຊຸມປຶກສາຫາລືກ່ຽວກັບການສ້າງຕົວຊີ້ວັດໃນການຈັດຕັ້ງປະຕິບັດສົນທິສັນຍາຊີດໍ

altຄະນະກໍາມາທິການເພື່ອຄວາມກ້າວຫນ້າແມ່ຍິງແຫ່ງຊາດ (ຄກມຊ) ຮ່ວມກັບອົງການ UN WOMEN ແລະ ອົງການ IWRAW ປະຈໍາອາຊີປາຊີຟິກ ຈັດກອງປະຊຸມປຶກສາຫາລືກ່ຽວກັບການສ້າງຕົວຊີ້ວັດໃນການຈັດຕັ້ງປະຕິບັດສົນທິສັນຍາຊີດໍຂຶ້ນ ໃນວັນ ທີ 8-10 ເມສາ 2014 ທີ່ໂຮງແຮມ ເມີກຽວ ວຽງຈັນ (Mercure Vientiane), ໂດຍການເປັນປະທານກ່າວເປີດກອງປະຊຸມຂອງ ທ່ານ ນາງ ຈັນໂສດາ ພອນທິບ, ຫົວຫນ້າກອງເລຂາ ຄກມຊ ແລະ ມີຜູ້ຕາງຫນ້າອົງການ UN WOMEN ແລະ IWRAW ປະຈໍາອາຊີປາຊີຟິກ, ບັນດາຫົວຫນ້າກົມ, ຮອງກົມ, ຫົວຫນ້າພະແນກອ້ອມຂ້າງທີ່ກ່ຽວຂ້ອງເຂົ້າຮ່ວມ.

ອົງການຈັດຕັ້ງສາກົນ ແລະ ຄູ່ຮ່ວມພັດທະນາ ປະກອບຄຳເຫັນໃສ່ຮ່າງແຜນດຳເນີງານແຫ່ງຊາດ

altກອງປະຊຸມປຶກສາຫາລືປະກອບຄໍາເຫັນໃສ່ຮ່າງແຜນດຳເນີນງານແຫ່ງຊາດກ່ຽວກັບການ ປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ຄວາມຮຸນແຮງ ຕໍ່ເດັກໃນ ສປປ ລາວ 2014-2020 ໃນວັນທີ 17 ມີນາ 2014 ນີ້ ທີ່ໂຮງແຮມ ລາວພຣາຊາ ໂດຍການເປັນປະທານຂອງ ທ່ານ ນາງ ເຂັມແພງ ພົນເສນາ ລັດຖະມົນຕີປະຈຳຫ້ອງວ່າການລັດຖະບານ, ປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແຫ່ງຊາດ ແລະ ປະທານຄະນະ ກໍາມາທິການເພື່ອແມ່ ແລະ ເດັກແຫ່ງຊາດ, ມີບັນດາຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ເດັກແຫ່ງຊາດ, ຄະນະສະມາຊິກ ສະພາເພດຍິງແຫ່ງຊາດ, ພ້ອມດ້ວຍ ທູຕານຸທູດ, ຜູ້ຕາງໜ້າຈາກອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 82 ທ່ານ.

ກອງປະຊຸມປະກອບຄຳເຫັນໃສ່ຮ່າງແຜນດຳເນີງານແຫ່ງຊາດເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ຄວາມຮຸນແຮງຕໍ່ເດັກ (2014-2020)

altອົງການຈັດຕັ້ງທາງສັງຄົມ, ພະແນກຄວາມກ້າວໜ້າແມ່ຍິງ ແລະ ວຽກແມ່ ແລະ ເດັກກະຊວງ ແລະ ອົງການ ປະກອບຄຳເຫັນໃສ່ຮ່າງແຜນດຳເນີງານແຫ່ງຊາດເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ຄວາມຮຸນແຮງຕໍ່ເດັກ (2014-2020)

  • ການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍແມ່ນໜ້າທີ່ຂອງໝົດທຸກ ຄົນ.

  • ອອກແຮງປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.

  • ຮ່ວມແຮງຮ່ວມໃຈສ້າງຄອບຄົວ, ບ້ານ ແລະ ເມືອງ ພັດທະນາຕິດພັນກັບການປະຕິບັດສິດສະເໝີພາບຍິງ-ຊາຍ ແລະ ປາສະຈາກການໃຊ້ຄວາມຮຸນແຮງໃນຄອບຄົວໂດຍສະເພາະຕໍ່ແມ່ຍິງ ແລະ ເດັກນ້ອຍ.
  • ນ້ຳໃຈວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ວັນທີ 25 ພະຈິກ ໝັ້ນຍືນ!
  • ຕັດສິນໃຈປະຕິບັດສິດສະເໝີພາບຍິງ-ຊາຍ ແລະ ລຶບລ້າງທຸກຮູບການຈຳແນກຕໍ່ແມ່ຍິງ ເພື່ອປ້ອງກັນບໍ່ໃຫ້ເກີດຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.