ກອງປະຊຸມປຶກສາຫາລືກະກຽມສ້າງຮ່າງແຜນດໍາເນີນງານແຫ່ງຊາດ ກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ, ເດັກນ້ອຍ ແລະ ຄົນພິການ

altໃນວັນທີ 05 ກໍລະກົດ 2013, ກອງເລຂາ ຄະນະກໍາມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ໄດ້ຈັດກອງປະຊຸມປຶກສາຫາລືກະກຽມສ້າງແຜນດໍາເນີນງານແຫ່ງຊາດ ກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ, ເດັກນ້ອຍ ແລະ ຄົນພິການຂຶ້ນ ໂດຍການເປັນທານ ທ່ານ ນາງ ຈັນໂສດາ ພອນທິບ, ຫົວໜ້າກອງເລຂາ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ ເຂົ້າຮ່ວມກອງປະຊຸມຄັ້ງນີ້ມີທ່ານ ຮອງປະທານ ຄກມ, ທ່ານ ຮອງຫົວໜ້າກົມ, ທ່ານ ຫົວໜ້າພະແນກສົ່ງເສີມຄວາມກ້າວໜ້າຂອງແມ່ຍິງກະຊວງ ແລະ ອົງການ ເຂົ້າຮ່ວມທັງໝົດ 48 ທ່ານ ຍິງ 37 ທ່ານ.

ຝຶກອົບຮົມຄວາມຮູ້ພື້ນຖານກ່ຽວກັບວຽກງານເພື່ອສົງເສີມຄວາມກ້າວໜ້າຂອງແມ່ຍິງ ສຳລັບຄະນະຮັບຜິດຊອບວຽກງານ ຄກມ ບັນດາກົມກອງອ້ອມຂ້າງກະຊວງປ້ອງກັນປະເທດໃນເຂດໃຈກາງນະຄອນຫຼວງ

          alt ຄກມ ກະຊວງປ້ອງກັນປະເທດຈັດຝຶກອົບຮົມໃຫ້ຄວາມຮູ້ພື້ນຖານກ່ຽວກັບ ວຽກງານສົ່ງເສີມຄວາມກ້າວໜ້າຂອງແມ່ຍິງ ສໍາລັບຄະນະຮັບຜິດຊອບ ຄກມ ບັນດາກົມກອງ ອ້ອມຂ້າງກະຊວງ.

ການຝຶກອົບຮົມວຽກງານສະກັດກັ້ນ ແລະ ຕ້ານການຄ້າມະນຸດ ແລະ ການໃຊ້ຄວາມຮຸນແຮງໃນຄອບຄົວ ໂດຍສະເພາະຕໍ່ແມ່ຍິງ ທີ່ແຂວງ ບໍລິຄໍາໄຊ

altໃນວັນທີ 13 ເຖິງ 16 ພຶດສະພາ 2013, ທີ່ ແຂວງບໍລິຄຳໄຊ ຄະນະກໍາມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ໂດຍສົມທົບກັບຄະນະກໍາມາທິການ ເພື່ອຄວາມກ້າວໜ້າຂອງແມ່ຍິງແຂວງ ບໍລິຄໍາໄຊ ໄດ້ຈັດຝຶກອົບຮົມວຽກງານສະກັດກັ້ນ ແລະ ຕ້ານການຄ້າມະນຸດ ແລະ ການໃຊ້ຄວາມຮຸນແຮງໃນຄອບຄົວ ໂດຍສະເພາະຕໍ່ແມ່ຍິງ, ໂດຍໃຫ້ກຽດກ່າວເປີດກອງປະຊຸມຈາກທ່ານ ນາງ ບຸນຍົງ ສີສຸວັນນະຄອນ, ຄະນະພັກປະຈໍາແຂວງ, ຮອງເຈົ້າແຂວງ, ປະທານຄະນະກຳມາທິການ ເພື່ອຄວາມກ້າວໜ້າຂອງແມ່ ຍິງແຂວງ ບໍລິຄໍາໄຊ.

ການຈັດຕັ້ງຝຶກອົບຮົມປູກຈິດສຳນືກກ່ຽວກັບ ການຕ້ານການໃຊ້ຄວາມຮຸນແຮງ ໃນຄອບຄົວ ແລະ ການຕ້ານການຄ້າມະນຸດທີ່ແຂວງ ອຸດົມໄຊ

altວັນທີ 06-09 ພິດສະພາ 2013, ກອງເລຂາ ຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ ໄດ້ຮ່ວມມືກັບ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແຂວງ ອຸດົມໄຊ ຈັດຝຶກອົບຮົມ ກ່ຽວກັບວຽກງານສະກັດກັ້ນການຄ້າມະນຸດ ແລະ ການໃຊ້ຄວາມຮຸນແຮງໃນຄອບຄົວ ໂດຍສະເພາະຕໍ່ແມ່ຍິງ ຂື້ນທີ່ແຂວງ ອຸດົມໄຊ, ໂດຍໄດ້ຮັບກຽດເປັນປະທານກ່າວເປີດ ຂອງທ່ານ ຄໍາແພງ ຈິດຕະວົງ, ຮອງເລຂາພັກ, ຮອງ ເຈົ້າແຂວງ ອຸດົມໄຊ, ປະທານຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແຂວງ ອຸດົມໄຊ.

  • ການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍແມ່ນໜ້າທີ່ຂອງໝົດທຸກ ຄົນ.

  • ອອກແຮງປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.

  • ຮ່ວມແຮງຮ່ວມໃຈສ້າງຄອບຄົວ, ບ້ານ ແລະ ເມືອງ ພັດທະນາຕິດພັນກັບການປະຕິບັດສິດສະເໝີພາບຍິງ-ຊາຍ ແລະ ປາສະຈາກການໃຊ້ຄວາມຮຸນແຮງໃນຄອບຄົວໂດຍສະເພາະຕໍ່ແມ່ຍິງ ແລະ ເດັກນ້ອຍ.
  • ນ້ຳໃຈວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ວັນທີ 25 ພະຈິກ ໝັ້ນຍືນ!
  • ຕັດສິນໃຈປະຕິບັດສິດສະເໝີພາບຍິງ-ຊາຍ ແລະ ລຶບລ້າງທຸກຮູບການຈຳແນກຕໍ່ແມ່ຍິງ ເພື່ອປ້ອງກັນບໍ່ໃຫ້ເກີດຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.