ພິທີມອບໃບຍ້ອງຍໍ ແລະ ລາງວັນໃຫ້ແກ່ຜູ້ຊະນະເລີດໃນການອອກແບບກາໝາຍໃໝ່ຂອງ ຄກມຊ.

altໃນວັນທີ 14 ທັນວາ ກອງເລຂາ ຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ໄດ້ຈັດພິທີມອບໃບຍ້ອງຍໍ ແລະ ລາງວັນໃຫ້ແກ່ ນາງ ສົມໝາຍ ເຮືອນແກ້ວ, ຜູ້ຊະນະເລີດໃນການອອກແບບກາໝາຍໃໝ່ຂອງ ຄກມຊ ທີຫ້ອງວ່າການລັດຖະບານ, ເຊິ່ງພິທີດັ່ງກ່າວໄດ້ຮັບກຽດເປັນປະທານມອບໂດຍ ທ່ານ ນາງ ຈັນດີ ປັນແກ້ວ, ຫົວໜ້າກອງເລຂາ ຄກມຊ ແລະ ທ່ານ ນາງ ຈັນໂສດາ ພອນທິບ, ຮອງຫົວໜ້າກອງເລຂາ ຄກມຊ ແລະ ມີບັນດາກະຊວງ ແລະ ອົງການທີ່ກ່ຽວຂອງເຂົ້າຮ່ວມ.

ກອງປະຊຸມເຜີຍແຜ່ ວຽກງານສົ່ງເສີມຄວາມກ້າວໜ້າຂອງແມ່ຍິງ ຂອງກະຊວງການຕ່າງປະເທດ.

altວັນທີ 16 ສິງຫາ 2012, ທ່ານ ນາງຈັນດີ ປັນແກ້ວ ຫົວໜ້າກອງເລຂາ ຄກມຊ ໄດ້ເຂົ້າຮ່ວມເປັນວິທະຍາກອນ ໃນກອງປະຊຸມເຜີຍແຜ່ ວຽກງານສົ່ງເສີມຄວາມກ້າວໜ້າຂອງແມ່ຍິງ ຂອງກະຊວງການຕ່າງປະເທດ, ທີ່ ໂຮງແຮມລ້ານຊ້າງ ນະຄອນຫຼວງວຽງຈັນ. ໂດຍການເປັນປະທານ ຂອງ ທ່ານ ນາງ ສູນທອນ ໄຊຍະຈັກ , ກຳມະການ ສູນກາງພັກ, ລັດຖະມົນຕີຊ່ວຍວ່າການກະຊວງ ການຕ່າງປະເທດ, ຮອງເລຂາ ຄະນະພັກ ກະຊວງ ການຕ່າງປະເທດ ແລະ ຄະນະພົວພັນການຕ່າງປະເທດສູນກາງພັກ, ປະທານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ. ແລະ ມີຜູ້ເຂົ້າຮ່ວມທັງໝົດ 80 ທ່ານ ຍິງ 53 ທ່ານ.

ຫົວໜ້າກອງເລຂາ ຄກມຊ ເຂົ້າຮ່ວມກອງປະຊຸມຝຶກອົບຮົມກ່ຽວກັບຫົວຂໍ້: ການປ້ອງກັນການລ່ວງລະເມີດທາງເພດຈາກການຄ້າມະນຸດໃນການເດີນທາງ ແລະ ທ່ອງທ່ຽວ.

altໃນວັນທີ 27 ສິງຫາ 2012 ທ່ານນາງ ຈັນດີ ປັນແກ້ວ, ປະທານ ຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ໄດ້ເຂົ້າຮ່ວມເປັນວິທະຍາກອນໃຫ້ແກ່ ການຝຶກອົບຮົມໃນຫົວຂໍ້ກ່ຽວກັບ: ການປ້ອງກັນການລ່ວງລະເມີດທາງເພດຈາກການຄ້າມະນຸດໃນການເດີນທາງ ແລະ ການທ່ອງທ່ຽວ ແລະ ແຜນຍຸດທະສາດແຫ່ງຊາດເພື່ອຄວາມກ້າວໜ້າຂອງແມ່ຍິງແຫ່ງຊາດ. ກອງປະຊຸມດັ່ງກ່າວໄດ້ຮັບກຽດຈາກ ທ່ານ ບົວເງິນ ຊາວພູວົງ ມາເປັນປະທານ ລັດຖະມົນຕີຊ່ວຍວ່າການ ກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ທ່ານ ກະແຣນ ພາວເດີ, ຜູ້ອຳນວຍການຝ່າຍສະໜັບສະໜູນໂຄງການ ອົງການສຸພານິມິດ ປະຈຳລາວ ຍັງໄດ້ໃຫ້ກຽດເຂົ້າຮ່ວມ ແລະ ໄດ້ກ່າວປະກອບຄຳເຫັນ ແລະ ມີຜູ້ເຂົ້າຮ່ວມທັງໝົດ 34 ທ່ານ.

ກອງປະຊຸມເຜີຍແຜ່ ແລະ ແນະນຳການຜັນຂະຫຍາຍ ແຜນຍຸດທະສາດແຫ່ງຊາດ ເພື່ອສົ່ງເສີມຄວາມກ້າວໜ້າຂອງແມ່ຍິງ 5 ປີ ຄັ້ງທີ II (2011-2015)

altຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ໄດ້ຈັດກອງປະຊຸມກອງປະຊຸມເຜີຍແຜ່ ແລະ ແນະນຳການຜັນຂະຫຍາຍ ແຜນຍຸດທະສາດແຫ່ງຊາດ ເພື່ອສົ່ງເສີມຄວາມກ້າວໜ້າຂອງແມ່ຍິງ 5 ປີ ຄັ້ງທີ II (2011-2015) ຄັ້ງວັນທີ 23 ກໍລະກົດ 2012, ທີ່ ສູນການຮ່ວມມື ແລະ ການຝຶກອົບຮົມ, ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ນາງ ນາງ ຈັນດີ ປັນແກ້ວ ຫົວໜ້າກອງເລຂາຄະນະກຳມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ ແລະ ທ່ານ ນາງ ພອນສັນ ອຸທະວົງ ຮອງຫົວໜ້າກົມແຜນການ, ຮອງປະທານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ກະຊວງ ແຜນການ ແລະ ການລົງທຶນ,

  • ການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍແມ່ນໜ້າທີ່ຂອງໝົດທຸກ ຄົນ.

  • ອອກແຮງປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.

  • ຮ່ວມແຮງຮ່ວມໃຈສ້າງຄອບຄົວ, ບ້ານ ແລະ ເມືອງ ພັດທະນາຕິດພັນກັບການປະຕິບັດສິດສະເໝີພາບຍິງ-ຊາຍ ແລະ ປາສະຈາກການໃຊ້ຄວາມຮຸນແຮງໃນຄອບຄົວໂດຍສະເພາະຕໍ່ແມ່ຍິງ ແລະ ເດັກນ້ອຍ.
  • ນ້ຳໃຈວັນສາກົນຢຸດຕິຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ວັນທີ 25 ພະຈິກ ໝັ້ນຍືນ!
  • ຕັດສິນໃຈປະຕິບັດສິດສະເໝີພາບຍິງ-ຊາຍ ແລະ ລຶບລ້າງທຸກຮູບການຈຳແນກຕໍ່ແມ່ຍິງ ເພື່ອປ້ອງກັນບໍ່ໃຫ້ເກີດຄວາມຮຸນແຮງຕໍ່ແມ່ຍິງ ແລະ ເດັກນ້ອຍ.